Xəbərlər

Əziz FUTBOL sevərlər! 1 sentyabr 2017-ci il tarixindən etibarən Su İdmanı sarayının təşkilatçılığı altında “HƏVƏSKARLAR ARASI FUTBOL ÇEMPİONATI” başlayır. İştirakçıları uduş fondu və dəyərli hədiyyələr gözləyir. Çempionatda iştirak üçün müraciətlər 10 avqust tarixinədək qəbul olunur. Əlavə məluma üçün – 050 491 01 09
İştirak haqqı – 400 AZN
Uduş fondu: 1-ci yer – 3000 AZN, 2-ci yer – 2000 AZN, 3-cü yer – 1000 AZN
Oyunlar saat 19:00-dan başlayacaq.


Su İdmanı sarayının İctimaiyyətlə Əlaqə şöbəsinin meneceri – Elnarə Əliyeva ilə müsahibə.

-      Elnarə xanım, son zamanlar Azərbaycan baş tutan idman yarışları haqqında nə deyə bilərsiz? Su İdmanı sarayının bu oyunlada rolu necə idi?

 -      Bildiyiniz kimi bu il ölkəmiz iri miqyaslı idman yarışlarına ev sahibliyi etdi. Bunlara “IV İslam Həmrəyliyi oyunları” və “F1” yarışlarını nümunə gətirmək olar. Su İdmanı  sarayı olaraq “IV İslam Həmrəyliyi oyunları” çərçivəsində keçirilən üzgüçülük, suya tullanma, su polosu və basketbol yarışlarına ev sahibliyi etdik. Əldə olunan nəticələrə əsaslanaraq bir daha əminliklə deyə bilərik ki, istər təşkilatçılıq, istərsə də yarışlar baxımından oyunlar yüksək səviyyədə keçirildi.

 -      Oyunlardan sonra kompleksdə dəyişikliklər varmı?

 -      Hal-hazırda Su İdmanı sarayı oyunlardan əvvəlki iş rejiminə qayıtmışdır. Kompleks hər gün saat 07:00-dan 23:00-dək əhalinin xidmətindədir. Kompleksdə üzgüçülüklə yanaşı yoqa, pilates, ciu-citsu, su polosu, akva-aerobika, interval məşqlər, sayklinq və s. bu kimi idman növləri təqdim olunur.

 -      Uşaqlar üçün hansı xidmətləriniz var?

 -      Böyüklərlə yanaşı Su idmanı sarayında uşaqlar üçün də müxtəlif idman növləri təqdim olunur. 6 yaşından yuxarı uşaqlar kompleksdə üzgüçülük, su polosu, bədii gimnastika, ciu-citsu, dzüdo, xoreoqrafiya, idman-bal rəqsləri və s. kurslarda məşq edirlər. Yay mövsümü ilə əlaqədar olaraq Avropa oyunları ərazisində yerləşən hovuzlar, çimərlik futbolu, çimərlik voleybollu və mini futbol meydançaları da artıq əhalinin istifadəsindədir.

 -      Gələcəkdə Su İdmanı sarayından hansı yeniliklər gözlənillir?

 -      Gələcəyə planlar təbii ki, çoxdur. Ölkəmizdə idmanın inkişafına dəstək məqsədi ilə Su İdmanı sarayında mütəmadi olaraq yerli və Beynəlxalq yarışlar keçirilir. Bu yaxınlarda Ramazan bayramı münasibəti ilə Azərbaycan və İran komandaları arasında SU POLOSU ÜZRƏ ÇÜMPİONAT keçirildi. 14-15 yaşlı uşaqlardan ibarət komandalar medal və diplomlarla təltif olundular. 

Yay mövsümü ilə əlaqədar olaraq AÇIQ HAVADA YOQA günü təşkil olundu. Əhali arasında fitnesin bu növünə olan maraq Avropa Oyunları parkına xeyli iştirakçı topladı.
İyul ayının 14-ü, 15-i və 16-sı Su İdmanı sarayı və Azərbaycan Voleybol Federasiyasının təşkilatçılığı ilə ÇİMƏRLİK VOLEYBOLU üzrə kişilər və qadınlar arası Azərbaycan kuboku baş tutacaq. Yarışları canlı izləməyə gələn tamaşaçılar mötəbər idman yarışının və möhtəşəm şounun şahidi olacaqlar. Həmçinin Avropa Oyunları parkı ərazisində yerləşən mini futbol meydançalarında peşəkər futbolçulardan ibarət komandaların iştirakı ilə FUTBOL ÇEMPİONATINA artıq hazırlıqlar başlamışdır.

 -      Sonda oxucularınıza nə demək istərdiz?

 -      Yekun olaraq demək istədim ki, Respublikamızda idman sahəsi günü-gündən inkişaf edir. Bu istiqamətdə ölkəmizə tövhəmiz olduğundan qürur hissi duyuruq. Gələcəyin idman mədəniyətini yaratmaqda bizə yardımçı olan və bizimlə birgə addımlayan uşaqlarımızın valideynlərinə də minnətdarlığımızı bildiririk. 



 

3 iyul tarixindən Su Idmanı sarayında 5 – 13 yaşlı uşaqların FUTBOL QRUPUNA qəbulu başladı.

Məşqlər Bazar ertəsi – Çərşənbə - Cümə günləri, saat 08:30-dan 09:30-dək Avropa Oyunları parkının futbol meydançalarında keçiriləcək.

Üzlük haqqı – 50 AZN

Əlavə məlumat: 012 491 91 91


Əziz valideynlər! Su İdmanı sarayı uşaqlarınıza yay tətilini səmərəli və idman ruhunda keçirməyi təklif edir.

Su İdmanı sarayı 7 – 12 yaşlı uşaqlar üçün ÇİMƏRLİK VOLLEYBOLU qruplarına qəbul elan edir. Məşqlər həftədə 3 dəfə olmaqla (Bazar ertəsi – Çərşənbə - Cümə) saat 08:30-da keçiriləcək. Hər məşq 1.5 saat davam edir.

Məşqlərə 15 iyundan start verilir.

ÇİMƏRLİK VOLLEYBOLU kurslarının ödənişi – 50 AZN təşkil edir.

Məşqlər Azərbaycanın qadın volleybolçusu  və 2008 – 2010-cu illərin çempionu Mədinə Əliyevanın başçılığı ilə keçiriləcək.

 

18 mart 1990-cı il təvəllüdlü Mədinə Əliyeva Azərbaycanın qadın volleybolçusudur. Rabitə Bakı komandasının tərkibində oynayan Mədinə Əliyeva 2011-ci ildə Qətərin Doha şəhərində keçirilən FİVB Qadın Volleybol Klubları arasında keçirilən Dünya Çempionatında iştirak etmişdir.

O, Volleybol üzrə 2008 – 2010-cu illərin Azərbaycan çempionu və İdman ustasıdır.

Mədinə Əliyeva Praqa şəhərində Technogym şirkətinin treyninqlərində iştirak etmişdir.

Bədən tərbiyəsi təhsili olan Mədinə Əliyeva müxtəlif vaxtlarda Azərbaycanın məşhur volleybol komandaları olan Azer Reyl və Rabitənin tərkibində oynamışdır.


Su İdmanı sarayı sizə isti yay günlərində, şəhərin səs küyündən uzaqlaşmaq, bədəninizi və ruhunuzu dincəltmək fürsəti yaradır.
Sizi 30 iyun saat 19:00-da peşəkar YOQA ustası Elşad Rəhimovun rəhbərliyi ilə AÇIQ HAVADA YOQA dərsinə dəvət edirik.
Giriş: sərbəst
İştirak etmək istəyənlər “YOGA” başlığı ilə info@suidmanisarayi.com ünvanına ad və soyadını göndərə bilər.
Gələrkən yoqa xalçanızı unutmayın!
Elavə məlumat üçün: 012 491 91 91


DİQQƏT!

 

Hömətli qonaqlar!

Nəzərinizə çatdırmaq istərdik ki, 1 iyun 2017-ci il tarixindən Su İdmanı sarayının xidmətlərindən istifadə üçün yeni tariflər qüvvəyə minəcək. 1 may 2017-ci il tarixinədək edilən bütün ödənişlər köhnə tariflərlə qüvvədə qalacaq.

Yeni tariflər ilə Su İdmanı sarayının Qeydiyyat şöbəsində, rəsmi saytında və ya Facebook səhifəsində tanış ola bilərsiniz: www.aquaticpalace.az  FB.com/ aquaticpalace



8 mart Beynəlxalq Qadınlar Günü “Aquatic SPA”-ya gələn zərif cinsin nümayəndələrinə üz massajı hədiyyə olunacaq.


8 martda hədiyyəniz GÖZƏLLİK olsun!

8 mart Beynəlxalq Qadınlar Günü “Aquatic Beauty” gözəllik salonuna gələn zərif cinsin nümayəndələri aşağıdakı xidmətlərdən birini hədiyyə olaraq əldə edəcək.
- Manikur
- Saçlara qulluq
- Saç kəsimi
- Saçın düzləşdirilməsi
- Qaş və üzün alınması


Aquatic Palace ilə birgə 

arıqlayırıq!
Su İdmanı sarayı yeni – “Aquatic Palace ilə birgə arıqlayırıq!” layihəsini təqdim edir.
Layihə çərçivəsind

ə Su İdmanı sarayında təqdim olunan Sayklinq və ABS Press proqramları ilə iştirakçılar artıq çəkidən azad olacaqlar. Daha tez və effektiv arıqlamaq məqsədi ilə Su İdmanı sarayının peşəkar məşqçiləri xüsusi qidalanma proqrammı tərtib edəcək və iştiraçıları nəzarətdə saxlayacaqlar. Ən çox çəki itirən iştirakçı layihənin qalibi elan olunacaq və surpriz hədiyyələr ilə təltif olunacaq.
Layihəyə 15 fevral 2017-ci il tarixində start verilir və 1 davam edəcək. 


Fevral ayının 19-u Su İdmanı sarayı və Buta Dance School-un təşkilatçılığı ilə İdman-bal rəqsləri üzrə klublar arası Respublika turniri keçiriləcəkdir. Müsabiqədə ölkəmizin qabaqcıl rəqs klubları - Sidash, Rovestnik, İmpuls, Evrium tədris mərkəzi və Studio Sidorenko iştirak edəcəklər. 
Qeyd edək ki, turnir gənc idmançılar arasında təşkil olunmuşdur və super baby qrupunda 4-5 yaşlı uşaqların iştirakı nəzərdə tutulmuşdur. 
Müsabiqə uşaqlar arasında idman-bal rəqslərinin Azərbaycanda inkişafı çərçivəsində təşkil olunmuşdur. 


Sevgililər günündə Aquatic SPA sizə əsl sevgi abu-havası bəxş edəcək!
14 fevral sevgililər günündə Aquatic SPA-nın bütün qonaqları romantik abu-havada dincələ biləcəklər. Əlavə olaraq qonaqlara furşet və Az-Granata-dan hədiyyələr təqdim olunacaq.


 Su İdmanı sarayından yeni kampaniya!

 14 fevral “Aquatic Beauty Salon” dəvət edir.

 

Makiyaj + saçın düzləşdirilməsi hədiyyə!

Saçın düzləşdirilməsi + saçlara qulluq hədiyyə!

Manikur ilə və Shellak + manikur hədiyyə!

Bütün bədənin lazer epilyasiyası + üzə qulluq hədiyyə!


Su İdmanı sarayının qonaqlarının nəzərinə!

18 dekabr 2016-cı il tarixində abonimentlər arasında 50 metr məsafədə sərbəst üzgüçülük üzrə birincilik turniri keçiriləcəkdir. Yarışda iştirak etmək istəyənlər dekabr ayının 14-dək Qeydiyyat şöbəsinə “İştirak haqqında müraciət” formasını təqdim edə bilərlər. 


Həvəskarlar arası futbol çempionatı səni gözləyir!

Çempionata qeyri-peşəkar futbolla məşğul olan hər bir kəs qatıla bilər.Su İdmanı sarayı və Avropa Oyunları parkının dəstəyi ilə “Həvəskarlar arası futbol çempionatı”-na növbəti dəfə 

start verilir.

Çempionatda iştirak etmək istəyən şəxslər 050 491-01-09 nömrəsi ilə əlaqə saxlaya bilərlər. Müraciətlər sentyabr ayının 08-dək qəbul olunur.Tələsin! Qalibləri uduş fondu və sponsorlardan hədiyyələr gözləyir!Qeyd edək ki, “Həvəskarlar arası futbol çempionatı” 10 oktyabr 2016-cı ildə başlayacaq. Çempionatın püşk atma mərasimi isə 9 oktyabr Su İdmanı sarayında baş tutacaq.


Həvəskarlar arası futbol çempionatı səni gözləyir!
Su İdmanı sarayı və Avropa Oyunları parkının dəstəyi ilə “Həvəskarlar arası futbol çempionatı”-na növbəti dəfə start verilir.
Çempionata qeyri-peşəkar futbolla məşğul olan hər bir kəs qatıla bilər.
Qeyd edək ki, “Həvəskarlar arası futbol çempionatı” 26 sentyabr 2016-cı ildə başlayacaq. Çempionatın püşk atma mərasimi isə 24 sentyabr Su İdmanı sarayında baş tutacaq.
Çempionatda iştirak etmək istəyən şəxslər 050 491-01-09 nömrəsi ilə əlaqə saxlaya bilərlər. Müraciətlər sentyabr ayının 22-dək qəbul olunur.
Tələsin! Qalibləri uduş fondu və sponsorlardan hədiyyələr gözləyir!





Azərbaycanda ilk dəfə ZUMBA FESTİVAL

22-23-24 sentyabr tarixlərində Su İdmanı sarayının 1 illik yubileyinə həsr olunmuş Azərbaycanda ilk dəfə “ZUMBA FESTİVAL” təşkil olunacaqdır.

3 gün ərzində festivalda peşəkar Zumba məşqçiləri tərəfindən məşqlər və master-klass, həmçinin festivalın bağlanış mərasimində latın-amerika

ritmləri üzərində əyləncə gecəsi sizi gözləyir. 22 sentyabr – Açılış 19:00

Açılış Avropa Oyunları parkı ərazisində baş tutacaq. Peşəkar Zumba məşqçiləri tərəfindən master-klass təqdim olunacaq.
23 sentyabr 12:00 – 14:00
Su İdmanı sarayının məşq hovuzunda Aqua-Zumba üzrə dərslər və master klass təqdim ediləcək. (Aqua-Zumba Azərbaycanda ilk dəfə təqdim olunur)
24 sentyabr – Bağlanış mərasimi 19:00
Bağlanış mərasimi Avropa Oyunları parkı ərazisində baş tutacaq. Master-klass və rəqs gecəsi davam edəcək.
İştirak:
Tədbirdə iştirak ödənişlidir.
- 22 sentyabr – 1 nəfər 20 AZN
- 23 sentyabr – 1 nəfər 20 AZN
- 24 sentyabr – 1 nəfər 25 AZN
- 22-23 sentyabr – 1 nəfər 35 AZN
- 23-24 sentyabr – 1 nəfər 40 AZN
- 22-24 sentyabr (tam paket) – 55 AZN
Master-klass peşəkar məşqçi və müəllim Nərgiz Osmanova və Gürcüstanın Zumba fitnes üzrə il lisenziyalı məşqçisi Keti Zazanaşvili tərəfindən aparılır.


Həvəskarlar arası futbol çempionatı səni gözləyir!


Su İdmanı sarayı və Avropa Oyunları parkının dəstəyi ilə “Həvəskarlar arası futbol çempionatı”-na növbəti dəfə start verilir.
Çempionata qeyri-peşəkar futbolla məşğul olan hər bir kəs qatıla bilər.
Qeyd edək ki, “Həvəskarlar arası futbol çempionatı” 26 avqust 2016-cı ildə başlayacaq. Çempionatın püşk atma mərasimi isə 24 avqust Su İdmanı sarayında baş tutacaq.
Çempionatda iştirak etmək istəyən şəxslər 050 491 01 09 nömrəsi ilə əlaqə saxlaya bilərlər. Müraciətlər avqust ayının 23-dək qəbul olunur.
Tələsin! Qalibləri uduş fondu və sponsorlardan hədiyyələr gözləyir!


Bizimlə əlaqə

Thank you for contact us.

Ad,Soyad.:

Sizin e-mail:

Mətin:

Kodu daxil edin:
Код проверки
Ünvan:Səbail rayonu, Akademik Əhəd Yaqubov küçəsi 15
AZ1003 Bakı | Теl.: (012) 491 91 91

Xəritədə bax